Vigneshvara Ashtottara Satanama Stotram

Vigneshvara Ashtottara Satanama Stotram

vināyakō vighnarājō gaurīputrō gaṇēśvaraḥ ।
skandāgrajō’vyayaḥ pūtō dakṣō’dhyakṣō dvijapriyaḥ ॥ 1 ॥

agnigarvachChidindraśrīpradō vāṇīpradō’vyayaḥ
sarvasiddhiprada-śśarvatanayaḥ śarvarīpriyaḥ ॥ 2 ॥

sarvātmakaḥ sṛṣṭikartā dēvō’nēkārchitaśśivaḥ ।
śuddhō buddhipriya-śśāntō brahmachārī gajānanaḥ ॥ 3 ॥

dvaimātrēyō munistutyō bhaktavighnavināśanaḥ ।
ēkadanta-śchaturbāhu-śchatura-śśaktisaṃyutaḥ ॥ 4 ॥

lambōdara-śśūrpakarṇō hara-rbrahmaviduttamaḥ ।
kālō grahapatiḥ kāmī sōmasūryāgnilōchanaḥ ॥ 5 ॥

pāśāṅkuśadhara-śchaṇḍō guṇātītō nirañjanaḥ ।
akalmaṣa-ssvayaṃsiddha-ssiddhārchitapadāmbujaḥ ॥ 6 ॥

bījapūraphalāsaktō varada-śśāśvataḥ kṛtī ।
vidvat priyō vītabhayō gadī chakrīkṣuchāpadhṛt ॥ 7 ॥

śrīdō’ja utpalakaraḥ śrīpatiḥ stutiharṣitaḥ ।
kulādribhēttā jaṭilaḥ kalikalmaṣanāśanaḥ ॥ 8 ॥

chandrachūḍāmaṇiḥ kāntaḥ pāpahārī samāhitaḥ ।
aśrita-śrīkara-ssaumyō bhaktavāñChitadāyakaḥ ॥ 9 ॥

śāntaḥ kaivalyasukhada-ssachchidānandavigrahaḥ ।
jñānī dayāyutō dāntō brahmadvēṣavivarjitaḥ ॥ 10 ॥

pramattadaityabhayadaḥ śrīkaṇṭhō vibudhēśvaraḥ ।
ramārchitō nidhi-rnāgarājayajñōpavītavān ॥ 11 ॥

sthūlakaṇṭhaḥ svayaṅkartā sāmaghōṣapriyaḥ paraḥ ।
sthūlatuṇḍō’graṇī-rdhīrō vāgīśaḥ-siddhidāyakaḥ ॥ 12 ॥

dūrvābilvapriyō’vyaktamūrti-radbhutamūrtimān ।
śailēndratanujōtsaṅgakhēlanōtsukamānasaḥ ॥ 13 ॥

svalāvaṇyasudhāsārajitamanmathavigrahaḥ ।
samastajagadādhārō māyī mūṣakavāhanaḥ ॥ 14 ॥

hṛṣṭa-stuṣṭaḥ prasannātmā sarvasiddhipradāyakaḥ ।
aṣṭōttaraśatēnaivaṃ nāmnāṃ vighnēśvaraṃ vibhum ॥ 15 ॥

tuṣṭāva śaṅkaraḥ putraṃ tripuraṃ hantumudyataḥ ।
yaḥ pūjayēdanēnaiva bhaktyā siddhivināyakam ॥ 16 ॥

dūrvādaḻai-rbilvapatraiḥ puṣpairvā chandanākṣataiḥ ।
sarvānkāmānavāpnōti sarvavighnaiḥ pramuchyatē ॥

iti vighnēśvarāṣṭōttara śatanāmastōtraṃ sampūrṇam

15585

Sign up to receive the trending updates and tons of Health Tips

Join SeekhealthZ and never miss the latest health information

15856